 |
HIRIKO HONDAKINTZAT JO DAITEZKEEN HONDAKIN INDUSTRIALAK, MERKATARITZAKOAK ETA ERAKUNDEETAKOAK (HHIM)
-
Hondakin horiek enpresetan sortzen diren hiriko hondakintzat jo daitezke. Multzo honetan sartzen dira: Kartoi-papera, egurra, plastikoa, beira, ehuna...
Era honetako hondakinen kudeaketari dagokionez, mankomunitateek eta udalek badituzte enpresentzako gaikako bilketa-zerbitzuak. Baina zerbitzu horiek ez daude enpresa guztientzat eskura; enpresaren kokaeraren arabera izaten baita hori (hiri barruan, industrialde batean, edo bestelakoa). Hondakinen kudeaketari dagokionez berrikuntza- edo hobekuntza-planak agin baino lehen mankomunitatean edo dagokizun udalean galdetzeko gomendatzen dizugu.
Kontsulta horretan, begiratu ea zein eratako hondakinak utzi daitekeen garbiguneetan, zeren gerta baitaiteke zenbait kasutan ordezko aukera bat horixe izatea.
Zuri dagokizun mankomunitatean edo zure eskualdeko Udalean "atez ateko” gaikako bilketa zerbitzurik ez balitz, edo poligonoetan halakorik ez balitz, zerbitzu pribatuetara joz kudeatu behar dira era honetako hondakinak, HONDAKIN INERTEEI dagokien epigrafean agintzen den moduan, epigrafe horretan ematen baitira mankomunitateek kudeatzen ez dituzten hondakin inerteak eta HHIMak kudeatzeko jarraibideak.
Hondakin hauei buruz informazio gahiago nahi izanez gero, Eusko Jaurlaritzako web orria bisitatzea gomendatzen dizugu.
HONDAKIN ARRISKU GABEAK
-
Hondakin multzo honetan industriako eta eraikuntzako hondakin inerte deituak sartzen dira. Haietarako ematen diren jarraibideak aurreko atalean aipatzen diren eta mankomunitateen edota udalen zerbitzu publikoen bidez kudeatzen diren HHIMetarako ere aplikagarri dira.
Lehendabizi zure eskualdean eta zauden lekuan hondakinen gaikako bilketa-zerbitzurik duzun begiratu behar duzu (galdetu mankomunitatean eta udaletxean). Kudeatu behar diren kopuruak txikiak baldin badira, begiratu Garbiguneen aukera.
Hondakin kopurua handia baldin bada, berriz, edo zure premietara egokitzen den zerbitzurik ez baldin badago, ondoren zehazten diren eta kontsulta ditzakezun hiru zerrendetakoren batean aurkitu ahal izango dituzun enpresen zerbitzu pribatuetara jo beharko duzu:
-Hondakin arrisku gabeen kudeatzaileen zerrenda (pdf): Eusko Jaurlaritzak hondakinak tratatzeko baimendutako enpresen zerrenda da. Hondakin biltzetik haien azken tratamendurainoko guztiak egin ditzakete (hondakin-kudeatzaileak duen baimenaren arabera). Baimenak hondakin zehatzetarakoak izan ohi dira normalean.
-Hondakin arrisku gabeen biltzaileen zerrenda (pdf): Eusko Jaurlaritzak hondakinak biltzeko baimendutako enpresen zerrenda da. Enpresa hauek hondakinak bildu eta haien jabe egiten dira; gero hondakin horiek hondakin-kudeatzaile baimenduei ematen dizkiete; horregatik, hondakinen erabileraren erantzukizuna biltzailearena izaten da, hondakinaren ardura bere gain hartzen duenetik aurrera. Baimenak hondakin zehatzetarakoak izan ohi dira normalean.
-Hondakin arrisku gabeen garraiatzaileen zerrenda (pdf):Eusko Jaurlaritzak hondakinak garraiatzeko baimendutako enpresen zerrenda da. Inoren kontura lan egiten dute, eta hondakinak sortzailearenetik hondakinen kudeatzailearenera eramaten dituzte. Kasu honetan, hondakinen erabileraren legezko erantzukizuna duena hondakina sortzen duen enpresa bera da, garraioa hasten denetik, eta erantzukizun hori ez da ezabatzen harik eta hondakinak hondakin-kudeatzailearen instalazioetan sartzen diren arte.
Hondakin hauei buruz informazio gahiago nahi izanez gero, Eusko Jaurlaritzako web orria bisitatzea gomendatzen dizugu.
HONDAKIN ARRISKUTSUAK
-
Hondakin arriskutsuak dira, besteren artean, erabilitako olioak, gai arriskutsuak edukitzeko erabilitako ontziak, disolbatzaileak, gai arriskutsuren batez inpregnatutako materialak, ...
MAM/304/2002 AGINDUAN argitaratutako Europako hondakin zerrendan (CER) (*) batez markatutakoak dira, zehazki, hondakin arriskutsuak. Denbora aurreratu nahi izanez gero, galde daiteke Gipuzkoako Bazkundean, edo Eusko Jaurlaritzako Ingurumeneko Sailburuordetzan, zuzen-zuzenean.
Nolanahi ere, edukia arriskutsua dela adieraziz piktogramak dituzten ontzietan, ontzian doan gaia eta ontzia bera ere gai arriskutsu gisa kudeatu behar dira.
Halako hondakinak etxebizitzetan eta enpresetan, bietan sortzen dira, eta hondakin horiek ezabatzeko behar den trataera izango duten ziur egon ahal izateko moduan behar dira kudeatu.
Hondakin arriskutsuzko kopurua txikia denean (<10T/urteko), Gipuzkoako Bazkundearen (ikus ere “Erakunde interesgarriak" ) bitartez kudea daiteke, erakunde honek hitzarmen bat baitu Eusko Jaurlaritzak hondakin arriskutsuzko kopuru txikiak biltzeko baimendutako hondakin-kudeatzaile batekin.
Kudeatu behar den hondakin arriskutsuzko kopurua handia baldin bada (>10T/urteko), berriz, Eusko Jaurlaritzak baimendutako hondakin-kudeatzaile bat bilatu beharko da.
Kasu batzuetan, hondakin arriskutsua enpresaren produkzio prozesuan sortua ez denean, Garbigune batzuetan utzi daiteke .
Hondakin hauei buruz informazio gahiago nahi izanez gero, Eusko Jaurlaritzako web orria bisitatzea gomendatzen dizugu.
TRESNA ELEKTRIKO ETA ELEKTRONIKOEN HONDAKINAK
-
Multzo honetan, oro har, etxetresna elektrikoak, informatikako ekipoak, neurketa- eta kalibrazio-tresnak... sartzen dira.
Lehendabizi zure eskualdean eta zauden lekuan hondakinen gaikako bilketa-zerbitzurik duzun begiratu behar duzu (galdetu mankomunitatean eta udaletxean). Kudeatu behar diren kopuruak txikiak baldin badira, begiratu Garbiguneen aukera.
Era honetako tresnak egiten dituztenek dagozkien neurriak hartuak izaten dituzte, behin tresna horren bere erabilgarritasun-bizitza bete duenean, haren hondakina behar bezala kudea dadin; horretarako kudeaketa-sistema bereziak ari dira sortzen. Printzipioz, enpresak tresna elektrikoak eta elektronikoak erosten dituenean, galdetu banatzaileari ea noren ardura izango den tresna zaharkituak jasotzeaz, tresna horiek instalazio industrialetan txertaturik geratzen ez direnean salbu, aire girotuzko sistema zentralizatuak, adibidez... Era honetako hondakinen kudeaketa, horretan diharduen enpresa pribatu baten bidez egin beharko litzateke.
Hondakin hauei buruz informazio gahiago nahi izanez gero, Eusko Jaurlaritzako web orria bisitatzea gomendatzen dizugu.
<< Itzuli
|
| |
|
|
|
|